Mirjalol Qosimov: «Nasaf» bilan o'yinda oddiy xatolar ham qimmatga tushadi»

AGMK bosh murabbiyi Mirjalol Qosimov "Nasaf"ga qarshi bo'lib o'tgan o'yin borasida o'z fikrini bildirib o'tdi.

«Munosib jamoalar to'qnashuvi bo'ldi. Turnir jadvali e'tibori bilan ham juda muhim va kerakli o'yin edi. Birinchi bo'limda o'zimiz istagan o'yinni ko'rsata olmadik. Birinchi bo'limda imkon qadar teparoq o'ynab, pressing qilishimiz kerak edi. Biroq yigitlar ikkinchi raqam ostida harakat qilishdi. O'yinga tayyorgarlik jarayonida unday ko'rsatma bo'lmagandi. Darvozamiz oldida noto'g'ri o'ynaganimizdan natijasida Marko Stanoevichda zarba berish uchun bo'sh hududlar paydo bo'ldi. Golda darvozabonimizn ayblamagan bo'lardim. Tanaffusda futbolchilarga barchasi o'z qo'limizda ekanligini va bu kerakli o'yinligini tushuntirdik. Ikkinchi bo'limda yigitlar 15-20 daqiqa yaxshi harakat qilishdi.

Ikkinchi golda uchinchi zonada to'pni yo'qotdik. Aynan shu gol o'yin taqdirini hal qildi. "Nasaf" bilan o'yinlarda oddiy elementar xatolar ham qimmatga tushishi mumkin. Kurash davom etadi, intriga esa yanada oshdi. Qolgan uchrashuvlar bundan ham qiziqarli bo'ladi deb o'ylayman. Ketma-ket to'rtinchi bor mehmonda o'ynaymiz, bu ham jamoaga ruhiy tomondan ta'sir qiladi», — dedi Mirjalol Qosimov.