EChL. «Real» so'nggi 20 yil ichida ilk marta o'z uyida birinchi taymda 3ta gol o'tkazdi

Donetskning "Shaxtyor" klubi Evropa chempionlar ligasi guruh bosqichining 1-turi doirasida Madridda "Real" klubi mehmoni bo'lmoqda. Ukrainaliklar birinchi bo'limda "Qirollik klubi" darvozasini 3 marta ishg'ol qilishdi.

Madridliklar so'nggi marta EChL doirasidagi bahsning birinchi bo'limida 2005 yilda 3ta to'p o'tkazishgan edi. O'shanda "Lion" "Real"ni 3:0 hisobida mag'lub etgan edi.

"Qaymoqranglilar" 2000 yilning fevral oyidan buyon o'z uyida Chempionlar ligasi bahsining birinchi taymida 3ta gol o'tkazmagan edi. O'shanda "Bavariya" "Santyago Bernabeu"da 4:2 hisobida g'alaba qozongan edi.