Shota Arveladze: "Raqib bizga qanotlarda bo'sh hududlar qoldirdi"

"So'g'diyona" mag'lub etilgan uchrashuvdan keyin "Paxtakor" bosh murabbiyi o'yin haqida fikrlarini bildirdi.

- Raqib birinchi bo'limda bizga ko'p syurprizlarni taqdim etdi. O'yin davomida ham deb aytsa bo'ladi. Ular qanot himoyachilarimizni butunlay bo'sh hudud bilan qoldirishdi. Shu sababli hujumga o'tishda turli tanlovlarga ega bo'ldik, vaziyatlarni yuzaga keltirdik. Birinchi bo'limda 3-4 marta juda yaxshi imkoniyatlardan foydalana olmadik. Yana avvalgi sur'atga qaytib olish uchun bir oz vaqt zarur bo'lmoqda. Jamoamizda charchoq alomatlari sezilyapti, lekin yigitlarni to'g'ri tushunaman. Busiz iloji yo'q. Tinimsiz o'yinlar, ko'plab uchishlar, vaqt va iqlim o'zgartirishlar organizmga ta'sir qiladi. Tez orada yanada yaxshiroq va tetikroq o'ynaymiz.