Lempard: "EChLda gohida bitta vaziyatga tayanasiz"

Londonning «Chelsi» klubi bosh murabbiyi Frenk Lempard EChL doirasida «Sevilya» (0:0) klubiga qarshi bo'lib o'tgan uchrashuv haqidagi fikrlari bilan o'rtoqlashdi.

«O'z darvozaningni dahlsizligini saqlab qolish doimo yoqimli, har doim mana shunday kurashish kerak. Tiago Silva ajoyib o'yin namoyish etdi. Eduar Mendi bitta seyvni amalga oshirish kerak edi va u buni qildi. Yaxshi shakllangan raqibga qarshi o'yinda biz jamoaviy o'yin ko'rsata oldik.

«Sevilya» ko'plab xavfli vaziyatlarni yuzaga keltirdi, ular juda yaxshi o'ynashdi. Bizda ham bir qator vaziyatlar bo'ldi, ammo, o'yin ancha ehtiyotkorlik bilan o'tdi va imkon qadar har ikki jamoa ham bir-birlarini zararsizlantirishga harakat qildi, ayniqsa bu birinchi bo'limda sezildi. Biz ochkoni qo'lga kiritdik va oldinga qarab intilamiz.

Taxminimcha, ikki jamoani ham bir ochko qoniqtirdi. O'tgan o'yinning so'nggi daqiqasida o'z darvozamizdan gol o'tkazib yuborgandi va bunday fikrlar miyangizdan chiqib ketmasa, buning oqibati yomon. Demak, bugungi o'yin bizga ishonch bag'ishlaydi deb bemalol ayta olamiz.

EChLda gohida bitta vaziyatga tayanasiz, lekin bugun u bizda sodir bo'lmadi. Lekin bundan afsuslanishimiz kerak emas, biz Premer-ligada ko'plab gollar kirityapmiz, shu sababli, biz darvozamizdan gol o'tkazib yubormaganimizga xursandmiz.

Shakllanishda davom etishimiz kerak. Oldinda uzun mavsum turibdi va biz mavsumni yaxshi boshladik. Qiyin guruhda yaxshi start oldik», – dedi Lempard.