Kuman EChLdagi g'alabadan keyingi fikrlarini bildirdi

Kataloniyaning "Barselona" klubi EChLning birinchi tur doirasida «Ferentsvarosh» klubini 5:1 hisobida mag'lub etdi. Ushbu uchrashuvdan so'ng, jamoa bosh murabbiyi Ronald Kuman o'z fikrlari bilan o'rtoqlashdi.

«O'yindan, uch ochkodan va kiritilgan beshta goldan qoniqdim. Penalti va Pikening chetlatilishi qiyin bo'ldi, biroq, jamoa 10 kishi qolib ham yaxshi harakat qildi.

Trinkau o'z qanotida raqibga etarlicha muammo tug'dirdi. Dembele gol kiritdi va golga assistentlik qilib o'yinga kirishib ketdi. Har qanday murabbiy buni ko'rishni xohlaydi. Futbolchilar ritmni his qilishmoqda.

Bizda himoya markazida raqobat bor. Agar Langle va Pikeda qandaydir muammo bo'lsa, u holda Arauxo bemalol o'ynay oladi», – dedi Kuman.