“Metallurg” – “Buxoro”, prevyu

Coca Cola Superliga 20-turida Bekobodning “Metallurg” jamoasi o'z uyida “Buxoro” jamoasini qabul qiladi.

Ushbu jamoalar shu kunga qadar kuchlilar safida 45 marta to'qnash kelishgan. Ortda qolgan uchrashuvlarning 21 tasida “Metallurg” g'alaba qozongan bo'lsa, 18 ta o'yinda buxoroliklarning qo'li baland kelgan. 6 ta o'yinda esa durang natija qayd etilgan. Kiritilgan va o'tkazib yuborilgan to'plar farqi bekobodliklar foydasiga – 63:59. “Metallurg”ning “Buxoro” ustidan qozongan eng yirik g'alabasi uchta to'p farqidan iborat – 3:0, 4:1. Bekobodliklar bir marta o'z maydonida, ikki marta safarda shunday hisoblarda muvaffaqiyatga erishgan. “Buxoro”ning “Metallurg” ustidan erishgan eng yirik g'alabasi esa 4:0 ni tashkil etadi.

Mazkur jamoalarning Bekobodda o'tkazilgan o'yinlarida “Metallurg” to'liq ustunlikka ega bo'lib kelmoqda. Mezbonlar 22 ta uchrashuvning 18 tasida zafar quchishgan, faqat birinchi o'yinda kuchlar teng kelgan, 3 bor esa mehmonlar g'alaba nashidasini surishgan.

Mazkur jamoalarning bu yilgi mavsum birinchi davra uchrashuvi Muborak shahridagi Bahrom Vafoev nomli stadionda bo'lib o'tdi va unda “Metallurg” 4:1 hisobida zafar quchdi. Abbos Otaxonov, Stanislav Andreev hamda Shahzodbek Ubaydullaevning dubliga buxoroliklar Suhrob Ne'matovning bitta aniq zarbasi bilan javob qaytargandi.

Bekobodda o'tgan so'nggi beshta uchrashuv natijasi:

29.03.2019 «Metallurg» - «Buxoro» 2:0
30.10.2018 «Metallurg» - «Buxoro» 1:0
29.04.2018 «Metallurg» - «Buxoro» 2:1
29.04.2017 «Metallurg» - «Buxoro» 1:2
24.09.2016 «Metallurg» - «Buxoro» 1:2