«Tottenxem» Son Xyong Min uchun yangi shartnoma tayyorlamoqda

«Tottenxem» klubi rahbariyati hujumchi Son Xyong Min uchun yangi shartnoma tayyorlamoqda. Bu haqda "The Daily Mail" xabar tarqatdi.

28 yoshli futbolchining "shporlar" bilan amaldagi shartnomasi 2023 yilning yozida yakuniga etadi. «Tottenxem» rahbariyati yangi shartnoma orqali koreyalik futbolchining maoshini oshirmoqchi. Son Xyong Min hozirda haftasiga 140 000 funt sterling olmoqda. U jamoa bilan kelishuvni uzaytirsa, haftalik maoshi 150 000 funtga etadi.

Son 2015 yilning yozida 30 million evro evaziga «Bayer»dan «Tottenxem»ga o'tgan edi. Shu paytgacha u londonliklar safida 236ta o'yinda maydonga tushib, 93ta gol urdi va 51ta golga uzatma berdi.