Ramos «Barselona»ga qarshi o'yinda maydonga tushishi mumkin

«Real» sardori Serxio Ramos «Kadis»ga qarshi o'yinda (0:1) jarohat olgani uchun tibbiy ko'rikdan o'tdi.

"Marca" tarqatgan xabarga ko'ra, 34 yoshli futbolchining tizzasida jiddiy jarohat aniqlanmadi. Himoyachi jarohatidan to'liq tiklanish uchun fizioterapevt bilan birga ishlaydi.

Uning «Shaxtyor»ga qarshi Chempionlar ligasidagi ishtiroki so'roq ostida, ammo u «Barselona»ga qarshi to'qnashuvda maydonga tushishga harakat qiladi.

Ramos Ispaniya chempionatining joriy mavsumida 5ta o'yinda maydonga tushib, bitta gol urdi.