Gvardiola: «Ko'p sabablarga ko'ra o'z sport formamizda emasmiz»

Angliyaning "Manchester Siti" klubi bosh murabbiyi Xosep Gvardiola APL doirasida "Arsenal" ustidan qo'lga kiritilgan g'alaba haqidagi fikrlari bilan o'rtoqlashdi.

«Bu qiyin uchrashuv bo'ldi, lekin biz 1:0 hisobida g'alaba qozondik. Ederson «Lids» klubiga qarshi o'yindagi kabi faol o'yin namoyish etdi. Ko'p sabablarga ko'ra, o'z sport formamizdan ancha yiroqmiz. Hozir bunga erishish mumkin emas.

G'alaba bizga katta yordam berdi. Biz yaxshi himoyalandik. Kuchli raqibga qarshi o'yinda uch ochkoni qo'lga kiritdik.

Mavsumoldi tayyorgarlik uchun «Arsenal» hisobida ikki yoki uch ortiqcha hafta bor edi. Silva va Kanselolar jarohatdan so'ng endi jamoamiz tarkibiga qaytashdi. To'rtta futbolchimiz esa koronavirus sababli mashg'ulotlarda ishtirok eta olmayapti.

Bugun Ake va Diaslar ajoyib o'yin namoyish etishdi. «Arsenal»ning hujumlarini hisobga olgan holda, Obameyangni nazorat qilish uchun Kayl Uokerning tezligi muhim edi.

Aguero qaytganidan xursandmiz. U to'rt oy mobaynida biz bilan birga bo'lmadi», – dedi Gvardiola.