Turin klubining olti nafar a'zosida koronavirus aniqlandi

Turinning "Torino" klubi yoshlar jamoasida oltita koronavirusga chalinganlar aniqlandi, deya xabar bermoqda klub rasmiy sayti.

Butun boshli jamoa karantinga yuborildi va mashg'ulotlar to'xtatib qo'yildi.

"Torino" klubining asosiy jamoasida COVID-19 hozircha aniqlanmadi. «Buqalar» odatiy rejimda A Seriyaning 4-tur doirasida "Kalyari" klubiga qarshi bo'lib o'tadigan o'yinga tayyorgarlik ko'rishmoqda.

Ayni paytda "Torino"ning qo'shnisi sanalgan "Yuventus" klubining asosiy jamoasi ham, yoshlar jamoasi ham karantinga yuborilgan. Chunki, "Yuventus"ning ikki jamoasida ham koronavirusga chalinganlar aniqlangan.