Lempard: "Biz APLning eng yaxshi futbolchisini yo'qotdik"

"Chelsi" klubi bosh murabbiyi Frenk Lempard jamoaning transfer bozoridagi ishlari haqida fikr bildirdi.

"O'ylaymanki, Eden Azarni "Chelsi"dan ketishi katta yo'qotish bo'ldi. Biz APLning eng yaxshi futbolchisini yo'qotdik. Transfer bozoridagi ta'qiq sababli, yangi futbolchilarni xarid qila olmadik. Shu sababli, o'tgan yili faqat maydonda ishlashga majbur bo'ldik.

Kuchli oltilikka kirmoqchi bo'lgan klublar katta mablag' sarfladilar va bu yil ham shunday qilishdi. Biz esa ta'qiq sababli, ikkita transfer bozorini o'tkazib yubordik, hozir esa transfer bozoriga qaytib, bizni kuchli qilishi mumkin bo'lgan futbolchilar bilan shartnoma imzoladik", - Lempardning so'zlaridan iqtibos keltirmoqda Goal portali.

Eslatib o'tamiz, "Chelsi" yakuniga etgan yozgi transfer bozorida Xakim Ziesh, Timo Verner, Kay Xaverts, Ben Chiluell, Tiago Silvu, Eduar Mendi va Malanga Sarrlar bilan shartnoma imzoladi.