Kuman Grizmann haqida: «Murabbiy buyruq beradi, u esa qo'lidan kelgancha harakat qilish kerak»

Kataloniyaning «Barselona» klubi bosh murabbiyi Ronald Kuman jamoa hujumchisi Antuan Grizmann haqida fikr bildirdi.

Frantsiyalik futbolchi terma jamoasining o'yinidan keyin "Murabbiyi (Dide Desham) meni qaysi pozitsiyaga qo'yishni biladi"-degandi.

– Menda Antuan bilan muammo yo'q. Men uni hech qachon begona pozitsiyaga qo'ymaganman. Biz "o'ntalik" pozitsiyasida 10 nafar futbolchi bilan o'ynay olmaymiz.

– Grizmanning so'zlari sizni ranjitmadimi?

– Har kim o'z fikrini aytishga haqlidir. Men u bilan kecha gaplashdim, lekin bu haqda emas. Biz uning pozitsiyasi va samaradorligi haqida suhbatlashdik. Men jamoa uchun eng yaxshisini izlayapman va agar u o'ng tomondan boshlash kerak bo'lsa, demak kerak. Shuningdek, u "o'nlik" yoki "to'qqizlik"da o'ynashi mumkin, biroq, bu haqda men qaror chiqarman, u esa maksimum harakat qilish kerak.

– Muvaffaqiyatga erishish uchun Grizmann nima qilish kerak?

– Imkoniyatlarini sinab ko'rishi kerak, ozgina omad kerak, bundan tashqari, u bor imkoniyatlarini ishga solishi shart. Murabbiy buyruq beradi, u bo'lsa bor kuchini ishga solishi kerak.

– Messiga dam berishni o'ylamayapsizmi?

– Biz har bir uchrashuvda eng yaxshi tarkibimizdan foydalanishni xohlaymiz. Terma jamoalar katta klublarda charchoq qo'shadi. Barcha futbolchilar ixtiyorimizga katta ishtiyoq va quvonch bilan qaytdi. Messi masalasini mashg'ulotlardan keyin hal qilamiz, – dedi Kuman.