Germaniya kubogi. Shupo-Moting «Bavariya» safidagi ilk o'yinda dublga erishdi (videosharh)

Germaniya kubogining birinchi bosqichidan o'rin olgan «Dyuren» (5-divizion vakili) va «Bavariya» klublari o'rtasidagi ko'chirilgan o'yin bo'lib o'tdi.

Myunxenliklarning 3:0 hisobidagi g'alabasi bilan yakunlangan uchrashuvda jamoaning yangi futbolchisi Erik-Maksim Shupo-Moting dublga erishdi. Yana bir to'pni esa Tomas Myuller penaltidan kiritdi.

Mazkur o'yinda mazkur bahsda darvozabon Aleksandr Nyubel, himoyachi Buna Sarr, yarim himoyachi Mark Roka, Anjelo Shtiller, Daniels Ontujans, hujumchilar Armindo Zib, Fite Arp "Bavariya" safida o'z debyutlarini nishonlashdi. Duglas Kosta esa jamoaga qaytganidan keyin ilk marta maydonga tushdi.

Germaniya kubogi, 1-bosqich
Dyuren – Bavariya 0:3 (0:2, 0:1)
Gollar: 0:1 – 24 Shupo-Moting, 0:2 – 36, penalti Myuller, 0:3 – 75 Shupo-Moting.
Dyuren – Yakmut, Bekker, Veber, Sobex, Vipperfyurt (Mabanza, 81), Shtermann (Sarikaya, 81), Pyutts, Antoski (Bleya, 53), Zimon (Matushchik, 53), Brashnich (Lo Yakono, 70), Omerbashich.
Bavariya – Nyubel, Boateng, Zyule (Shtiller, 46), Devis, Sarr, Duglas Kosta (Zib, 61; Ontujans, 87), Musiala, Myuller (Dayaku, 61), Xavi Martines, Shupo-Moting (Arp, 77), Roka.
Ogohlantirish: Sobex (69).