Starrij: «Sog'ligim uchun bir necha yuz ming funt sarfladim»

Angliyalik hujumchi Daniel Starrij sog'ligi borasida intervyu berdi. Ma'lumki, Daniel olgan jarohatlar uning top hujumchi bo'lishiga to'sqinlik qilgan. Ayni paytda Starrij erkin agent sanaladi.

«Qachonlardir Marko Roysning jarohat olmasdan o'ynash uchun istalgan mablag'ni sarf qilaman, degan iqtibosini o'qigandim. To'g'risini aytganda, men ham shunday qilgan bo'lardim. Men ham istalgan mablag'ni to'lashim mumkin edi. Shundoq ham tezroq oyoqqa turish uchun fizioterapevtni qo'shimcha ishi uchun katta mablag' sarf qilganman. Men bir necha yuz ming funt haqida gapiryapman. Shu bilan birga, men tez-tez jarohat bilan o'ynashga majbur bo'ldim, jamoamning manfaati uchun sog'ligimni qurbon qildim», - dedi Starrij.