Toshkent viloyati bolalar-o'smirlar futbol akademiyasi tarbiyalanuvchilari uchun yangi trenajyorlar ajratildi

O'zbekiston futbol assotsiatsiyasi hududiy bolalar va o'smirlar futbol akademiyalarida ishni to'g'ri yo'lga qo'yish, futbol akademiyalari tarbiyalanuvchilari uchun barcha shart-sharoitlar yaratish va ularning kelgusida kuchli futbolchilar bo'lib etishib chiqishi uchun zarur chora-tadbirlarni ko'rmoqda.

Jumladan, Toshkent viloyati bolalar-o'smirlar futbol akademiyasi tarbiyalanuvchilari jismoniy tayyorgarliklarini yaxshilash uchun yangi trenajyorlar ajratildi.

Futbol akademiyada 20 ga yaqin turli trenajerlar o'rnatilib, ushbu trenajyorlardan akademiya tarbiyalanuvchilari jismoniy mashg'ulotlarida foydalanishmoqda.

Bundan tashqari, bugungi kunga kelib Toshkent viloyati bolalar-o'smirlar futbol akademiyasida 3 ta futbol maydoni barpo etilgan bo'lib, ushbu maydonlarda akademiya tarbiyalanuvchilari mashg'ulotlar olib borishmoqda.

Shuningdek, futbol akademiyasida endi stol tennisi, gimnastika, akrobatika hamda trenajyor zali faoliyat olib boradi.