Rasman. «Dinamo» – «Yuventus» o'yiniga 20 ming muxlis kirishi mumkin

Evropa chempionlar ligasi 1-turidan o'rin olgan Kievning «Dinamo» va Turinning «Yuventus» klublari o'rtasidagi o'yinga muxlislar kiritiladi.

Ukraina sog'liqni saqlash vazirligi "Dinamo"ning o'yinga chipta sotish haqida iltimosini qanoatlantirdi.

«Olimpiyskiy» stadioni 30 foizga to'lishiga ruxsat berildi. Ushbu arenaga 70050 tomoshabin sig'ishini inobatga olganda, uchrashuvga 21015 dona chipta sotiladi.

Kievliklarning «Barselona» va «Ferentsvarosh»ga qarshi uy uchrashuvlari borasida qaror o'yinga 15 kun qolganda qabul qilinadi. Bu o'yinlar 24 noyabr va 8 dekabr kunlariga belgilangan.