«PSJ»ning 7 o'yinchisi «MYu»ga qarshi o'yinni o'tkazib yuborishi mumkin

«PSJ» klubining birdaniga 7 nafar o'yinchisi Chempionlar ligasining 1-turidan o'rin olgan «Manchester Yunayted»ga qarshi o'yinda ishtirok eta olmasligi mumkin. Bu haqda jamoa bosh murabbiyi Tomas Tuxel xabar berdi.

Germaniyalik mutaxassisning aytishicha, Tilo Kerer, Xuan Bernat va Mauro Ikardi "MYu"ga qarshi bahsni o'tkazib yuborishadi. Ular jarohat olishgan.

Kolin Dagba esa Frantsiya yoshlar jamoasida topshirgan test musbat natija berdi. Himoyachi topshiradigan takroriy test manfiy chiqsa, u EChL bahsida ishtirok etishi mumkin.

Marko Verratti, Yulian Draksler va Markinosning «Yunayted»ga qarshi bahsda maydonga tushishi so'roq ostida qolmoqda.

«PSJ» – «MYu» uchrashuvi 20 oktyabr kuni bo'lib o'tadi.