Futzal. Chempionlik uchun kurash davom etadi: AGMK «Paxtakor»ni tor-mor keltirdi

Futzal bo'yicha Oliy liganing 6-tur ikkinchi kungi o'yinlar doirasida AGMK "Paxtakor" bilan kuch sinashdi.

Qiziqarli va shiddatli o'tgan bellashuvda olmaliqlar katta ustunlikda o'ynadi va buni tablodagi hisobda ham aks ettirishni uddasidan chiqdi.

Garchi hisobni toshkentliklar ochishgan bo'lsa-da, uchrashuvning qolgan daqiqalari AGMKning benifisiga aylanib ketdi. Valijonov, Rahmatov va Chorievning dubli hamda raqibning avtogoli yakunda Petrov jamoasiga yirik 5:1 hisobidagi g'alabani taqdim qildi.

Mazkur g'alabadan keyin AGMK (37 ochko) peshqadam "Paxtakor" (39 ochko) bilan oradagi farq qisqardi va chempionlik uchun kurash ayni qizg'in pallaga kirdi.

Oliy liga, 6-tur. 2-kun.
"Paxtakor" - AGMK 1:5
Gollar: Jo'raev (3) - Valijonov (14), Choriev (22, 37), Shavkatov (33 avtogol), Rahmatov (37).
Hakamlar: A.Rubakov, Sh.Muhiddinov, X.Otamurodov.
"Paxtakor": Hazratqulov, Jo'raev, Abdumavlonov, Sviridov, Faxriddinov.
Zaxira: Eliboev, Odilov, Shavkatov, Abduvaliev, Rajabov, Mustafoev, Ibrohimov, Zoirov.
AGMK: Umarov, Hamroev, Solihov, Nishonov, Rahmatov.
Zaxira: Shokirjonov, O'lmasbekov, Berdiev, Ropiev, Abdurahmonov, Aminov, Valijonov, Olimov, Ahadjonov, Choriev.

Manba: www.fc-agmk.uz