Lautaro Martines: "Tarix sababli bugun g'alaba qozonishimiz shart edi"

Argentina terma jamoasi hujumchisi Lautaro Martines Boliviya terma jamoasi ustidan JCh-2022 saralash bosqichi doirasida qo'lga kiritilgan g'alaba haqidagi fikrlari bilan o'rtoqlashdi.

"Tarix tufayli ushbu bahs biz uchun naqadar muhim ekanligini juda yaxshi tushunardik. Inkor qilmayman, bu erda o'ynash oson emas. Uchrashuvdan oldin juda ko'p suhbatlashdik va diqqatimizni bir joyga jamladik. O'yinni mana shunday tarzda kechishini bilardik. Biz o'z aqlimizni ishga soldik va bundan juda xursandmiz", - Martinesning so'zlaridan iqtibos keltirmoqda Argentina terma jamoasi matbuot xizmati.