Balotelli: "Hozir futbol o'ynamayapman, lekin bundan xavotir olmanglar"

Italiyalik hujumchi Mario Balotelli yaqin vaqtlar ichida o'ziga yangi jamoa topishi haqida xabar berdi.

"Hozircha o'ynamayapman, ammo, yaqin vaqtlar ichida yangi jamoa bilan shartnoma imzolayman, xavotir olmanglar", - dedi 30 yoshli futbolchi Goal.com portaliga.

Eslatib o'tamiz, hujumchi o'tgan mavsumni "Breshiya" klubida o'tkazgandi, biroq, klub rahbariyati bilan yuzaga kelgan nizodan keyin shartnomani muddatdan oldin bekor qilishgandi. U A Seriyaning 19 ta uchrashuvida maydonga tushib, 5 ta gol kiritishga ulgurgandi.