Santush Ronalduning koronavirusga chalingani borasida o'z fikrini bildirdi

Portugaliya terma jamoasi bosh murabbiyi Fernandu Santush koronavirusga chalingan hujumchi Krishtianu Ronaldu borasida o'z fikrini bildirib o'tdi.

«U topshirgan ikkinchi test musbat chiqdi. Krishtianu alohida binoda o'zini yakkalash hayot tarziga o'tdi. O'sha erdan turib u biz bilan gaplashyapti. Unda kasallik alomatlari yo'q. U nima bo'lganini tushunmayapti.

O'yin uchun tuzgan rejamiz o'zgarmaydi, ammo o'yin dinamikasi jiddiy o'zgarishga uchraydi. Jahonning eng yaxshi o'yinchisi maydonga tushmagan paytda hech bir jamoa kuchayib qolmaydi. Krishtianuning o'ziga xos jihatlari bor. Ronalduning maydonda borligi seziladi. Ammo terma jamoa shu paytgacha Krishtianusiz o'ynagan va o'z ishini yaxshi bajargan», — dedi Santush.