Alkantara "Liverpul"gacha qaysi klubga o'tishi mumkin edi?

Ispaniyalik yarim himoyachi Tyago Alkantara yaqinda yopilgan transfer bozorida Kataloniyaning "Barselona" klubiga o'tishi mumkin edi, deya xabar bermoqda The Guardian.

Nashrning yozishicha, futbolchiga "Barselona" klubi taklif bilan chiqqan, biroq, u "Bavariya"dan "Liverpul" klubiga o'tishni afzal ko'rgan. "Qizillar" uning transferi uchun 22 million evro sarfladi. Joriy mavsumda 29 yoshli Alkantara "qizillar" tarkibida bitta uchrashuv o'tkazishga ulgurdi.

Tyago Alkantara "Barselona" tarbiyalanuvchisi hisoblanadi. U kataloniyaliklar tarkibida 2011 yildan 2013 yilgacha 100 ta uchrashuvda maydonga tushib, 11 ta gol kiritdi va 20 ta golga assistentlik qildi.