Feliks Magat: «Barselona»ning sovrinlarini Gvardiola emas, Messi qo'lga kiritgan»

Germaniyalik futbol murabbiyi Feliks Magat «Barselona»ning Xosep Gvardiola boshchiligida erishgan yutuqlari borasida o'z fikrlarini bildirdi.

«Barselona»ning sovrinlarini Gvardiola emas, balki Messi qo'lga kiritgan. Messisiz butun boshli tizim ham bunday ishlamagan bo'lardi. Aks holda Gvardiola «Bavariya» yoki «Manchester Siti» bilan allaqachon Chempionlar Ligasida g'olib chiqqan bo'lishi kerak edi. Gvardiola istalgan o'yin natijasini hal qila oladigan Messiga minnatdorchilik bildirishi kerak.

Men Gvardiolaning uslubini zerikarli deb hisoblayman. Bu faqat jamoadagi futbolchilar klass nuqtai nazaridan ustun bo'lganidagina ishlaydi. Buning ustiga to'pni egallab turish va shunchaki uni bir-biriga uzatish zerikarli. Yuqori darajadagi jamoalarda bunga ehtiyoj yo'q", — dedi Feliks Magat.

Ma'lumot uchun, Feliks Magat murabbiy sifatida «Hamburg», «Shtutgart», «Bavariya» va «Fulhem» kabi jamoalarni boshqargan va uch bor Germaniya chempionatida g'olib bo'lgan.

Xosep Gvardiola esa katalon klubini 2009—2012 yillarda boshqarib, yutish mumkin bo'lgan barcha sovrinlarni qo'lga kiritgan.