Igor Sergeev O'zbekiston terma jamoasi to'purarlari ro'yxatida Ja'far Irismetovdan o'zib ketdi

O'zbekiston terma jamoasi hujumchisi Igor Sergeev 12 oktyabr kuni BAA terma jamoasiga qarshi kechgan o'rtoqlik o'yinida (2:1) dublga erishdi.

Bu «Paxtakor» forvardi uchun O'zbekiston terma jamoasidagi 15 va 16-gollar bo'ldi. 27 yoshli futbolchi terma jamoa safidagi 53-uchrashuvda ushbu natijani qayd etdi.

Shu tariqa Sergeev O'zbekiston terma jamoasi to'purarlari ro'yxatida Ulug'bek Baqoev (14) va Ja'far Irismetovni (15) ortda qoldirgan holda 7-o'ringa ko'tarildi.

Terma jamoa tarixidagi eng yaxshi to'purar Maksim Shatskix bo'lib, uning hisobida 34 ta gol bor. Ayni damda faoliyatini davom ettirayotgan futbolchilardan faqat Eldor Shomurodov (21) va Odil Ahmedov (20) Igordan ko'proq gol urishga erishgan.