Hozirgi tarkibni shakllantirish uchun eng ko'p pul safrlagan klublar reytingi (+ro'yxat)

Sport tadqiqotlari xalqaro markazi (CIES) Evropaning kuchli beshlik chempionatlari klublarining hozirgi tarkiblarini shakllantirish uchun qancha pul sarflaganini hisoblab chiqdi.

«Manchester Siti» klubi reyting etakchisiga aylandi. "Shaharliklar" hozirgi tarkibni yig'ish uchun transferlar va boshqa xarajatlar uchun 1 milliard evrodan ortiq pul safrlagani ma'lum bo'ldi.

Bu borada ikkinchi pog'onani "Pari Sen-Jermen" egalladi. Parijliklarning xarajatlari 888 million evroga teng bo'lgan. «Manchester Yunayted» esa 84 million evro xarajat bilan uchinchi pog'onani band etdi.

Keyin o'rinlarni esa "Barselona", "Chelsi" va "Real" klublari band etishdi.

Evropa chempionlar ligasining amaldagi g'olibi "Bavariya" esa bor-yo'g'i 15-qatorni egalladi. Myunxenliklar ayni paytdagi tarkib uchun 408 million evro mablag' sarflashgan.

Ayni paytdagi tarkibni shakllantirish uchun eng ko'p pul sarflagan klublar (top-15):

1. «Manchester Siti» – 1,036 milliard evro
2. «PSJ» – 888 million evro
3. «Manchester Yunayted» – 844 mln evro
4. «Barselona» – 826 mln evro
5. «Chelsi» – 763 mln evro
6. «Real» – 708 mln evro
7. «Liverpul» – 666 mln evro
8. «Yuventus» – 594 mln evro
9. «Arsenal» – 590 mln evro
10. «Everton» – 504 mln evro
11. «Atletiko» – 483 mln evro
12. «Tottenxem» – 479 mln evro
13. «Napoli» – 467 mln evro
14. «Inter» – 439 mln evro
15. «Bavariya» – 408 mln evro.

Manba: bombardir.ru