Tennis. Nadal – 13 karra "Roland Garros" g'olibi!

Tennis bo'yicha Katta dubulg'a musobaqalari doirasiga kiruvchi «Rolan Garros» musobaqasi finali bo'lib o'tdi.

Unda ATP reytingi etakchisi Novak Jokovich va dunyoning ikkinchi raqamli tennischisi Rafael Nadal o'zaro to'qnash keldi. Uchrashuvda ispaniyalik tennischi nomdor raqibini osonlik bilan mag'lub etdi — 6:0, 6:2, 7:5.

Shu tariqa Nadal «Rolan Garros»dagi 13-sovriniga ega chiqdi va bu borada mutlaq rekordchi hisoblanadi. Qumli kortlar qiroli laqabini olgan Nadal ketma-ket to'rtinchi yili Frantsiyadagi musobaqa chempioniga aylandi.

Nadal finalga qadar Diego Shvarsman, Yannik Sinner, Sebastyan Korda va boshqa bir qator tennischilarni ortda qoldirdi.