Angliya birinchi, Braziliya top-3 da ham yo'q. Eng qimmat terma jamoalari reytingi e'lon qilindi

Germaniyaning Transfermarkt portali eng qimmat tarkibga ega terma jamoa jamoalar reytingini e'lon qildi.

Unga ko'ra, Angliya terma jamoasi dunyoning ayni damdagi eng qimmat terma jamoasi bo'lib turibdi. «Uchsherlar»ning umumiy qiymati 1,26 milliard evroni tashkil etadi.

Keyingi o'rindan Frantsiya terma jamoasi (1,24 mlrd) joy olgan bo'lsa, Germaniya (926,5 million evro) kuchli uchlikka yakun yasagan.

Ta'kidlash joiz, top-20 ro'yxatning 14 tasida Evropa terma jamoalari qayd etildi. Janubiy Amerikadan Braziliya (865,3 mln evro, 4-o'rin), Argentina (672,2 mln evro, 9), Urugvay (356,2 mln evro, 12) va Kolumbiya (294,7 mln evro, 16) ro'yxatga kirgan. Shuningdek, Afrikaning ikki jamoasi — Senegal va Nigeriya ham top-20 dan joy olgan.

Dunyoning eng qimmat tarkibga ega terma jamoalari top-10 ligi:

1. Angliya — 1,29 milliard evro
2. Frantsiya — 1,24 milliard evro
3. Germaniya — 926,5 million evro
4. Braziliya — 865,3 mln evro
5. Belgiya — 773,5 mln evro
6. Ispaniya — 768,5 mln evro
7. Italiya — 758,5 mln evro
8. Portugaliya — 754,3 mln evro
9.Argentina — 672,7 mln evro
10. Niderlandiya — 555,8 mln evro