Furqat Qurbonov blogi: O'zbekistonning Eronga qarshi o'yini tahlili

O'yinni stadionda ko'rdim...

O'zbek futbol rivojiga o'zini professional hissasini qo'shib kelayotgan Ruslan degan ukamiz 2ta chipta sovg'a qildi!

Maydon ideal holatda. Kuzni salqin havosi aynan futbol o'ynash uchun juda mos.

Abdurahmon Fozilov va boshqa jonkuyar futbol fanatlarini sayi harakatlari, iltimoslariga ko'ra, O'FF va “Paxtakor” stadion ma'muriyati, cheklangan futbol ishqibozlarini pandemiya talablariga rioya qilgan holda milliy terma jamoamizni stadionga kirib qo'llab quvvatlashlari uchun ruhsat berishgandi. Hammalariga osmoncha katta rahmat!

O'yin haqida!

Jamoamiz sizlarga televizordan qanday o'ynaganini bilmadimu, jonli tomoshada yigitlar yomon o'ynashmadi!

Bilaman, “Nega Lutfi maydonda tushdi!?” degan navbatchi savol o'yin boshlanishi bilan hayolingizga kelgandir.

Tahminiy fikrim bo'yicha, Abramov maydon markazini aniq uzun yoki kesma paslari bilan qanotdagi o'yinchilarimizni hafli qarshi hujum uyishtirish uchun pleymeyker vazifasida o'ynab ko'rish ma'suliyatini aynan Lutfulloga topshirgandir?!

To'g'ri, Lutfullo yosh emas, avvalgidek tez emas, lekin...unda ozroq bo'lsa ham Abramovga juda yaxshi ayon bo'lgan liderlik ruhiyati bor. Menimcha, uni maydonga tushirilishida ham shu faktor bosh omil bo'lgan. Hush Lutfullo qanday o'ynadi?!

Birinchidan o'yinni buzilishiga sabab bo'ladigan qaltis xato qilmadi. Ha, to'p unga kelganda, to'pni yo'qotib, raqibga oldirib qo'ymaslik uchun jamoadoshlariga tezda pas bera boshladi.

To'g'ri, bu pozitsiyada Odil Ahmedov yanada mazmunli va kreativ vaziyatlarni sodir etishi mumkin edi. Biroq Odil yo'q edi, vaziyatdan chiqish kerak edi.

Bilaman, bu pozitsiyada Oston O'runov ham o'zining qo'rqmas xarakteri, aniq kesma paslari va driblinglari bilan o'yin saviyamizni ancha oshirardi. Lekin, Ostonda ham kichik mikro jarohat bor edi.

Hullas, Lutfullo shu yoshda va ERON deb atalmish raqibga qarshi yomon o'ynamadi, zo'r o'yin ham ko'rsatmadi, lekin o'yinni buzib ham qo'ymadi! Bu tayinlovni zahira varianti sifatida qabul qilamiz va Abramov qaroriga hurmat bilan qaraymiz!

5 ballik tizimda Lutfullo To'raevga – 4-(minus) bahosini qo'yaman. 4 ballga tortishi uchun kamida Abramov kutgan qo'rqmay yurishlarni va kutilmagan qarorlarni qabul qilishi kerak edi. Biroq, Lutfullo hafsiz rejimni tanladi va menimcha adashmadi!

Maydon markazi №2 raqam!
Bu o'yinchi kimligini maydon suhandoni tarkibni tuzuk (kolonkalar ovozi kam sonli muxlislar bo'lishiga qaramay juda past edi va suxandon o'z diktsiyasi ustida biroz ishlashi zarur, ayniqsa ingliz tilida – for example “Number 14- Eldooooorr Shoooo-muro-dooov!!) va to'liq aytib tanishtirmagani uchun, 2 raqam mendek o'zicha “futbol bilimdoni” va yonimdagi ashaddiy futbol fanatlari uchun Janob X bo'lib qolaverdi!

Hozir uyga kelib futbol protokolini qarasam 2 raqamda Islom To'xtaxo'jaevni familiyasini ko'rdim.

Yoppiray, 2 raqamda Islomga na tashqi ko'rinishidan o'xshaydigan, na futbol xarakatlariga o'xshaydigan boshqa o'yinchi o'ynaganday go'yo.

Lekin aynan shu 2 raqam shahsan menga ZO'R ta'surot qoldirdi! Havodagi 2 qavat janglarida Azmunni ham, boshqasini ham “eb tashadi”. 2-3 marta raqiblarni maydon markazigacha aldab o'tib, hafli paslar bilan hujumni tashkillashtirib turdi! Kim bo'lsa ham shu 2 raqamdagi o'yinchiga 5 ball qo'yaman!

Aniqlashtirib bu o'yinchi ham Islom ekanligi, faqat To'xtaxo'jaev emas Qobilov ekanligi ma'lum bo'ldi!

Yashshavor Qobilov, himoya markazidagi himoyachi aynan shunday “beton” o'yinchi bo'lishi kerak! Markazni tsementlab, eronliklarni ancha haflarini bartaraf qilib turdi!

Himoya markazidagi №5 raqam Rustam Ashurmatov!

1 bo'limda keskin haflarni barataraf qilishda o'z hissasini qo'shdi, yakkama-yakka kurashlarda oyog'ini olib qochmay, to'pga egalik qilmaguncha ohiragacha kurashdi! Temirday 4 ball!

O'ng qanot – Xojiakbar Alijonov №3! Xojida yoshiga nisbatan ancha oldin shakllangan jangovor ruh bor! Xaviga qarshi o'ynaydimi, Azmunga qarshimi farqi yo'q, aldayman desa raqibini yonidagi boshqa sherigi bilan birga qo'shaloq qilib aldab o'tib, o'zini tashrif qog'oziga aylangan o'ng qanotdagi uzun va aniq paslari bilan hujumdagi sheriklarini boshiga koptokni do'ppiday kiygizib qo'yadi! Ana, Dragan Cherandan so'rang, ishonmasangiz..

Xojiakbar o'z imkoniyati darajasida yaxshi o'ynadi. 1 bo'limda 2-3 marta Jasur Yaxshiboev va Eldor Shomurodovga erdan va havodan aniq paslar berib, keskin vaziyatlar yaratishga harakat qildi va aksar hujumlar aynan uni qanotidan tashkillashtirildi. -5- (minus) ball!! Xoji bundan ham zo'rroq o'ynay oladi va aynan shu o'yinlarni undan kutib qolamiz!

Chap qanot №4 Farruh Sayfiev. Yomon o'ynamadi, asosan himoyada raqib o'yinchilarini yorib o'tib ketmasliklari uchun pozitsiyadan uzoqlashmay, markazdagi himoyachilarga yordam berib turdi! 4 ball!

Abror Ismoilov №9 - 5 ball!
Abror to'p uchun kurashlarda eronliklarni jamoaviy pressinglari payti dovdiramay, boshini ko'tarib, jamoadoshlariga aniq va kesma paslar bilan ta'minlab turdi. Asosiysi unda ham “dux” bor, Eron va Azmun kompaniyasiga qarshi tap tortmay, jonini ayamay kurashdi va ko'p hollarda yakka kurashlarda g'olib bo'ldi!

Faqat...MTJda ham “Surxon”dagi o'yinlari kabi uzoqdan raqib uchun kutilmagan zarbalarni berib turishni maslahat berardim. Bunday zarbalar yo darvozabon uchun qiyinchilik tug'dirishi mumkin yoki kamida raqib o'yinchisiga tegib burchak to'pini ishlab olinishiga sabab bo'lishi mumkin.

Enerdjayzer Sancho №13 – Sanjar Qodirqulov! Sanchoni maydondagi harakatlarini, o'yinini ko'rib yaqinda “Atletiko” Madridga qo'shilgan urugvaylik Lukas Torreyrani eslayveraman! Birga bir vaziyatda hoxlagan o'yinchini yo tezlikda yoki driblingda aldab o'ta oladi, faqat huddi shunday tezlikdagi paslarni birdan bermaydi. 2-3 o'yinchini o'zini yoniga to'plab jamoadoshlari qulay ochilishini kutadi va bu ko'p holatlarda to'pni raqib o'yinchilari tomonidan jamoaviy tarzda olib qo'yilishi bilan yakun topadi. Lekin MTJni hujumlarini tashkil etuvchi va jamoadagi braklarni filtrolovchi jigari Sancho! Sanjar – 5-(minus) ball!! Sanjar bundan ham zo'r o'ynay oladi! O'zi Sanjarni MTJda yomon o'ynaganini eslay olmayman...

MTJga ancha tanaffusdan keyin taklif qilingan va o'ng qanot vingeri pozitsiyasida to'p surgan Jasur Yaxshiboev №19!

Jasur Belorussiya chempionatida 1 yil ichida superyulduz maqomiga o'zini mehnatlari va chiroyli o'yinlari orqali erishdi. Bu Jasurni va o'zbek futbolini yutug'i. Eronga qarshi o'yinda esa Jasurni Jalol Masharipov va Eldor Shomurodov bilan hozircha yaxshi o'yin “bog'lamiga”ega emasligi ko'rinib qoldi. To'g'ri, ular so'ngi bor birga qachon o'ynashganlari ham menga noma'lum. Lekin shunga qaramay, Jasur o'z qanotida raqib himoyachilardan qochib, yaxshi “naveslar”ni amalga oshirdi. Biroq, MTJ darajasidagi o'yinlarda jamoadoshlari bilan bir-birlarini yarimta harakat orqali tushunishlari talab qilinadi va keyingi o'zaro birga o'tadigan mashg'ulotlar, aynan shunday telepatik fikrlarni, harakatlarni shakllanishiga asos bo'ladi degan ishonchdaman. Jasur 4 ball! Yasha Yaxshiboev!

Jamoa sardori sifatida maydonga tushgan va chap qanotdan kutilmagan driblinglari, aniq paslari orqali Shomani hafli nuqtaga chiqarishi kutilgan Jaloliddin Masharipov №10!

Jalol o'z darajasida to'p surdi, yakka kurashlardan qochmadi, 2-3 ta o'yinchini o'ziga tortib, jamoadoshlarini aniq paslar bilan ta'minlab turdi. O'yin chiqmagan paytlarda, o'ng qanotga o'tib ham keskin hujumlarni tashkillashtirmoqchi bo'ldi, biroq...Jalolga to'p tegishi bilanoq eronliklar unga ham 2-3 kishishi bo'lib yopishib, pressing qo'llay boshlashdi va vaziyatlar 50/50 holatlarda yo bizni yoki raqibni foydasiga hal bo'ldi.

Jaloldan ham Abrorga, Sanjarga bergan maslahatni beraman – imkon bo'ladimi yo'qmi Azmunga o'xshab 15-16 metrdan raqib darvozasi tomon tepaverish kerak. To'p yo raqib himoyachisiga tegib bartaraf qilinadi, yoki burchak to'pi ishlaniladi yoki raqib himoyachisiga tegib qaytgan to'pni futbolchilarimizdan biri ildamroq harakat qilib darvoza tomon tepib golga aylantiradi. Hullas, kutilmagan qarorlar, zarbalar – raqib darovozasi tomon keskin va hafli vaziyatlarni yaratilishiga omil bo'ladi! Yana, Jalol qo'rqmasdan pleymeykerlikni o'zi bajaraversin, faqat driblinglar va paslar o'z o'rnida va vaqtida amalga oshirilsa bas. Jalol – 5-(minus)!

Number 14- Eldooooorr Shoooo-muro-dooov!!

Jiyan o'yin davomida bo'lgan 1.5 vaziyatni 1ta golga aylantirdi!
Yashavor ota o'g'il!

1chi bo'limda raqib jarima maydonida to'pni qabul qilib, o'ng tomondagi o'tkir burchakdan darvozani to'qqizligi tomon kuchli zarba berdi, boshqa imkoniyat ham yo'q edi, sababi yonida 3 ta raqib o'yinchilari va yakka o'zi edi.

2 chi bo'limda hisob 0-2 aylanib, jamoani va stadiondagi fanatlarni ruhlari kuzni salqin shamolidek sovugan paytida, Sanchodan pas qabul qilib, turgan joyida bir aylanib to'pni kerakli oyog'iga to'g'irlab, texnika mahoratini ishga solib, ohista Niyazmand darvozasiga yumalatib kiritib qo'ydi!

Eldor –Gol!
This is Master’s job brothers!
Eldor + 5 ball!!

2chi bo'limda o'ng qanotda Jasurni o'rniga chiqqan №20 raqamli Hojimat Erkinov!
Hojimat ukam, huddi №2 raqamdagi Islomni yuqoridagi sabablar tufayli tanimaganimizdek, seni ham sen ekanlingni yarim soat bilmadik. Lekin abjir o'yiningni ko'rib, qo'rqmay raqib himoyachilarni aldab o'tishga harakat qilib, keskin hafli vaziyatlarni yaratishga bo'lgan tirishqoqliging uchun 5 ball qo'yaman!
Bo'shashma Hojimat, seni ham kamida Evropani zo'r maydonlari kutib turibdi! Faqat bo'shashma ukam!

Markaziy himoyachi sifatida adashmasam 1 o'yinini MTJda o'tkazgan (mabodo adashgan bo'lsam, uzr) Igor Golban №21!

Yaxshi, 1 chi o'yinda ancha ishonchli o'yini uchun temirdek +4 ball! Igorni MTJni markaziy himoyasi pozitsiyasida hali ko'p yordami tegadi, buni aynan Erondek kuchli jamoa misolida sezdim!
Dalneyshey udachi Igor v igrax sbornoy!

O'zini ham, raqibini ham ayamay jonini berib to'p suradigan Otabek Shukurov №7! 4 ball!
Otabekni jonkuyarligi va kurashuvchanligi uchun qadrlaymiz, uni imkoniyatlarini yaxshi bilamiz! Otabek bundan ham zo'r o'ynay oladi! Hozircha 4 ball!

№15 Murod Holmuhamedov! Maydonga tushib chap qanotdan belgilangan jarima zarbasini sal qolsa chiroyli golga aylantirardi! Umuman, MTJdagi jarima zarbalarini keyinchalik ham Murodga ishonib topshirilsa, kamida 50% golga tortadigan vaziyatlar sodir bo'ladi! Murod o'zini zambarakdek zarbasiday 4 ballga loyiq!

Koreyadan kelib qo'shilgan yana 1 bir pleymeykermiz Ikrom Aliboev №8!
Ikrom Abrorni o'rniga 58 daqiqada maydonga tushdi va o'yinni keskin kuchayira oldi deya olmayman. Harakat qildi, to'p uchun kurashlarda engilsa ham so'ngi epizodlargacha kurashdi. Biroq Ikromni va Otabekni sayi harakatlari, keskin vaziyatlarni sodir bo'lishiga kamlik qildi. Ikrom 4 ball!

77 daqiqada Eldorni o'rniga maydonga tushan Igor Sergeev №11!

17 daqiqa Igorni maydonda nimanidir o'zgartirishi yoki yo'q joydan hafli vaziyatni yaratishiga kamliq qildi!

Igor neobxodimo pobolshe pressingovat vratarya i zashitnikov sopernika v ixnem je shtrafnoy! Vrode viishel na zamenu, nado pressingovat, iz nichego sozdavat opasniie momentii…Stoya na meste ili xodya peshkom chto-to tselnoe sozdat ne realno i ne logichno…Igor – 4 -(minus) ball!! Eto s avansom i nadejdoy na budushie luchshie igrii v sbornoy!

Va nihoyat MTJni “Eng zaif bo'g'in” nominatsiyasni e'lon qilamiz!

Yashanglar, topdinglar! Tabriklayman!

Stadiondagi aksar muhlislar va o'z ko'zlarimni guvohligini inobatga olib, ushbu nominatsiyada 1 ovozdan Eldor Suyunovni №1 g'olib deb e'lon qilamiz!

Nima ham deyishim mumkin..
“Paxtakor”ni Osiyodagi Chempionlar Ligasidagi o'yinlariga atigi sanoqli kunlar bo'lgani va bu o'yinlarda Eldorni "harakatlari" konkret yodimizda...

MTJga agar jiddiy masalalarni echishga bel bog'lashgan bo'lsalar va Mundial deb atalmish dovonni zabt rejasi bo'lsa, zudlik bilan boshqa darvozabonlarga shans berish kerak! Hali pandemiya sharofati bilan bunday eksperimentlarga vaqt ham, imkoniyat ham bor.

Bu chiziq bilan arzigo'ylik natijalarni orzu qilishni o'zi, absurdek ko'rinmoqda..

Eldorda mahorat muammo emas!
Eldorda ruhan zaiflik juda kuchli! O'ziga umuman ishonmaydi va shu sabab o'yinlarda KULGULI XATOLARGA yo'l qo'yadi!
Men bu haqda o'z fikrlarimni kamida 5 marta yozib ko'rsatganman!

Aslida “Paxtakor” ham yanada kuchliroq shakllanishi uchun shu pozitsiyada yangi kandidatlarni hozirdanoq sinab ko'raverishi faqat ijobiy natijalarni beradi!

20 yildan ortiq bir kasbdagi ishni har kuni bajarasan, uni yanada mahoratliroq amalga oshirish uchun har kuni shug'ullanasan va 15-16 metrdan senga qarata tepilgan 1 ta to'pni qaytara olmaysan!

Eronga aynan darvozani zaifligi uchun yutqazdik! A tak, kamida durangga tortadigan o'yin edi! Eron haliyam jonini “Jabor og'aga” berib o'ynamadi!

Vadim Karlenovich, nado pochinit “periodicheskie zamiikaniya» v ramkax sbornoy! Dalshe uje nekuda! Dovertes ramku molodiim i ambitsiozniim parnyam! Na kraynyak vernite Lobanova ili Ignata..
Loban v etom godu namnogo uverenee zashishaet vorota «Metallurga».
A Ignat…on xot svoey uverennostyu soxranit spokoystvie v shtrafnoy i serdtsax bolelshikov.. Validola nam ne jalko, glavnoe chtob kto-to uverenee v sebe stoyal v ramkax vorot..

Eldor Suyunov – baholanmadi!

Shunday qilib, yuqorida ta'kidlab o'tganimdek, o'yinni “povtorlarsiz” jonli ravishda stadionda ko'rdim (stadion tablosida o'yinlarni paralell ko'rsatib turadigan va qiziq momentlarini takror ko'rsatadigan tizimni qayta yo'lga qo'yish zarur) va ayrim detallarni ko'zdan qochirgan bo'lishim mumkin.

Shahsan menga jamoamiz o'yini yoqdi.
Pandemiya tufayli yigitlar shu tarkibda ancha bo'lishgandi yig'ilishmaganlariga. Ishlanadigan epizodlar bor.

Shahsan men shu yoshargan tarkibdan arziydigan nimanidir kutaman va bunga ishonaman!

Judayam sovqotgan ekanman, ovozim chiqmay qoldi uyga kelib..

Nu, Vatanparvalik ham oson ish emasda...

O'zingizni asrang qadrdon fanatlar!