«Milan» o'tgan mavsumda qancha zarar ko'rgani ma'lum bo'ldi

«Milan» o'tgan mavsum yakunlari bo'yicha moliyaviy hisobotni e'lon qildi.

«Rossoneri» mavsum-2019/20da 195 million evro miqdorida zarar ko'rdi. Ayniqsa, koronavirus pandemiyasi tufayli ko'rilgan zarar klubga kuchli ta'sir ko'rsatdi.

«Tashqi ta'sirlarni inobatga olmaganda, moliyaviy natijalar yaxshilandi. Bu orqali biz moliyaviy halol o'yin tamoyiliga amal qilamiz. «Milan» kabi jamoada o'zgarishga erishish uchun vaqt talab etiladi. Ammo jamoa va rahbariyat tanlangan rivojlanish yo'li to'g'ri ekaniga ishonadi», — deyiladi «Milan» rasmiy saytida e'lon qilingan bayonotda.

Eslatib o'tamiz, milanliklar o'tgan mavsum yakunida A seriyada 6-o'rinni egalladi va Evropa ligasi guruh bosqichi yo'llanmasini qo'lga kiritdi.

Manba: sport24.ru