Futbol ortidan qalin do'stlashganlar haqida!

 Futbolchilar o'rtasida do'stlashish ko'p kuzatiladigan hol. Lekin biz bugun noodatiy uslubdagi do'stlar va ularning do'stlik tarixidan qiziq faktlarni keltiramiz. O'ylaymanki, bu sizni befarq qoldirmaydi. Qani ketdik!

   Pike - Fabregas(1997-yildan beri)

  Bu yigitlar 1997- yilda tanishishgan ekan. Ana o'shanda ikkalasi ham 10 yoshda bo'lishgan. Ular birgalikda «Barsa» akademiyasida tahsil olishadi. So'ngra «Barsa» ularni birini «Manchester Yunayted» ga, ikkinchisini«Arsenal»ga qo'yib yuboradi. Ularning do'stligi shu bilan yanada mustahkamlanadi.. Begona yurtda bir-birlarini yolg'iz qoldirmaydilar. Keyinchalik «Barsa»ga qaytgan Pike Fabregasni «Barsa»ga chorlaydi. Pike uni shu qadar ishontiradiki, Fabregas hatto «Arsenal»dan o'z shartnomasini harid qilib «Barsa»ga o'tadi. Pike doim Fabregas bilan hazillashadi,jumladan, uning gel bilan turmaklangan soch turmagini buzib tashlash uning eng sevimli mashg'uloti.

Messi – Aguero (2004-yildanberi)

  Messi va Aguero 2004-yilda qalin do'stlashishadi. Ikkalasi ham yoshlar o'rtasidagi mundialda birgalikda fantastik tandem namoyish etib, hammani lol qoldirishadi. Shundan so'ng do'stlar ispaniyaga yo'l olishadi. U erda ham ularning do'stligi yo'qolib ketmaydi. Messi Agueroning og'illarini cho'qintirgan otasi hisoblanadi – Aguero esa Messining. Do'stlar bir jamoada o'ynashni butun umr orzu qilishdi. Lekin, chamamda, endi buning iloji yo'q!

Alaba –Riberiy(2005-yildan beri)

 «Men asosiy tarkibdan endi joy olish arafasida yurgan 16 yoshlik bola edim. Hamma kattalar menga xuddi eb qo'ygudak tikilishar, hech kimning men bilan gaplashgisi yo'q edi. Men sekin bir chetga borib o'tirdim. Shunda, u oldimga kelib meni asosiy tarkibga o'tganim bilan tabrikladida, oldidan joy berdi. Keyinchalik uning ortidan, qolganlar bilan ham tanishdim. Murabbiydan menga yana bir imkoniyat berishini so'raganini esa hech ham esimdan chiqarmasam kerak. U menga xuddi otamdek», - degan edi Alaba o'zining intervyularidan birida. Alabaning Instagram tarmog'iga joylashtirgan rasmlarining aksariyati Riberi bilan birga tushgan suratlaridir. Alaba va Riberi har qanday transportda doim yonma-yon o'tirishlarining o'ziyoq ular o'rtasidagi do'stlik qanchalar mustahkam ekanligini ko'rsatib turibdi.

 Ranaldu- Marsello( 2009-yildan beri)

   Qiziq holat, Ronaldu jamoadoshlari bilan samimiy muomalada bo'ladi, lekin,hech kimga ortiqcha sir boy bermay masofa saqlaydigan yigit. Uning ichki dunyosiga yo'l topa olgan yagona futbolchi Marsello bo'lsa ajab emas. Chunki bu futbolchilardan qaysi biri gol ursa, darrov ikkinchisi uni qutlashga birinchilardan bo'lib etib keladi. Hatto u zahira maydonchasida bo'lsa ham. Internet tarmoqlaridan qidirsangiz maydonda goldan so'ng bu do'stlarning ijro etgan kichkina raqs sahnalariga guvoh bo'lasiz.Ranaldu u bilan futboldan tashqarida ham ko'p ko'rishib turishlari haqida ko'p bor OAV ga intervyu bergan.

Maksvel-Ibrahimovich(2001-yildan beri)

  Ishonish qiyin bo'lgan do'stlik 2001-yilning yozida vujudga keladi. Kibrli mag'rur Ibra Kantraktdagi mukofot pulini begona yurtda 3 kunda ishlatib qo'yadi. Maoshgacha hali 20 kun bor edi. Ana shu holat haqida futbolchi o'zining «Men Zlatan» kitobida quyidagichakeltiradi: “Menda umuman pul qolmagan edi. Begona shahardaman, hech kimni tanimayman. Xullas, imkonsiz qoldim. Noiloj, yangi jamoadoshlarimdan Maksga qo'ng'iroq qildim. Unga vaziyatni tushuntirib o'tirishga hojat ham qolmadi. U darrov: «Okey, menikiga kelaqol»,- dedi. Biz Maks bilan bir oy birga yashadik. Men uning taomlarini edim,u bilan bir xonada uxlardim. Tunlari u meni tungi klublarga olib borar edi” deya eslaydi Zlatan. Bu yigitlar haqiqatan ham chinakam ajralmas do'st bo'la olishdi. Ular «Barsa» , «Inter», «PSJ» , «Ayaks» da birga top tepishdi va o'ndan oshiqroq kuboklar sohibiga aylanishdi.