Rossiya terma jamoasi o'rtoqlik uchrashuvida Shvetsiyaga yutqazib qo'ydi (videosharh)

Rossiya futbol terma jamoasi 8 oktyabr, payshanba kuni Moskvada Shvetsiyaga qarshi o'rtoqlik o'yini o'tkazdi.

Uchrashuvda aralash tarkib bilan qatnashgan rossiyaliklar kichik hisobda imkoniyatni boy berdi. Bahsning 21-daqiqasida Aleksander Isak shvedlarni oldinga olib chiqdi.

72-daqiqada Mattias Yohansson mehmonlarning ikkinchi golini urdi. Hakam tomonidan qo'shib berilgan vaqtda Aleksandr Sobolev hisobni qisqartirishga muvaffaq bo'ldi.

Rossiya terma jamoasi oktyabr oyidagi keyingi ikkita o'yinni Millatlar Ligasi doirasida Turkiya (11 oktyabr) va Vengriyaga (14 oktyabr) qarshi o'tkazadi. Shvedlar 11 oktyabrda Xorvatiyaga qarshi o'yin o'tkazsa, 14 oktyabrda Portugaliya bilan o'ynaydi.

O'rtoqlik uchrashuvi
8 oktyabr, payshanba
Rossiya — Shvetsiya 1:2
Gollar: 0:1 – 21 Isak, 0:2 – 72 Yohansson, 1:2 – 90+1 Sobolev.
Rossiya: Janaev, Fernandes (Cherishev, 61), Kudryashov, Karavaev, Jirkov, Gazinskiy (Kuzyaev, 74), Mostovoy (Ionov, 61), Miranchuk (Bakaev, 74), Ozdoev (Zobnin, 46), Kutepov, Dzyuba (Sobolev, 46).
Shvetsiya: Yunsson, Kraft (Yohansson, 46), Starfelt, Bengtsson (Olsson, 72), Holmen, Sema (Klasson, 77), Svensson, Svanberg, Larsson (Olsson, 46), Isak (Kvayson, 64), Larsson.
Ogohlantirishlar: Kuzyaev (85), Olsson (90).

Manba: daryo.uz