Roberto Manchini Italiya terma jamoasi tarixida eng yaxshi natija ko'rsatmoqda

Italiya terma jamoasi o'rtoqlik uchrashuvida Moldovani yirik hisobda taslim etdi (6:0).

Bu Roberto Manchini qo'l ostidagi Italiya terma jamoasining 22-o'yindagi 15-g'alabasi bo'ldi. Shuningdek, jamoa hisobida 5 durang va 2 mag'lubiyat bor.

55 yoshli mutaxassisda g'alabalar foiz ko'rsatkichi 68 ga teng bo'lib turibdi. Bu Italiya terma jamoasida 20 ta va undan ortiq o'yinda ishlagan murabbiylar orasidagi eng yaxshi natija hisoblanadi.

Shuningdek, Italiya terma jamoasi Manchini davrida to'rtta o'yinda 4+ gol urdi. Faqat Apelio Vichini davrida (1986—1991 yillar) Italiya terma jamoasi bundan yaxshi (5 ta o'yin) natija qayd etgan.