Eduardo Kamavinga Frantsiya terma jamoasi safida 106 yillik tarixiy natija qayd etdi
/ Kiritdi: BestMaster Ko'rilgan: 466
«Renn» va Frantsiya terma jamoasi yarim himoyachisi Eduardo Kamavinga Ukrainaga qarshi kechgan o'rtoqlik uchrashuvida o'z nomiga gol yozdirib qo'ydi.
Shu tariqa, Eduardo 17 yosh-u 11 oyligida Frantsiya terma jamoasi safida gol urgan ikkinchi eng yosh futbolchiga aylandi. Terma jamoa tarixidagi eng yosh gol muallifi Moris Gastiger sanaladi. U 1914 yilda 17 yosh-u 5 oylik vaqtida Shveytsariya darvozasini ishg'ol etgandi.
Frantsiya terma jamoasi mazkur o'rtoqlik o'yinida Ukraina terma jamoasini yirik hisobda taslim etdi. «Uchranglilar» umumiy hisobda 7 bor raqiblar darvozasini ishg'ol etgan bo'lsa, ukrainlar bunga bitta to'p bilan javob qaytardi — 7:1.
Kamavinga Frantsiya chempionatining 2020/21 yilgi mavsumida olti uchrashuvda maydonga tushib, bittadan gol va golli uzatmaga mualliflik qildi.
Bosh sahifaga
225