Shomurodovning «Jenoa»dagi raqami ma'lum bo'ldi

O'zbekistonlik hujumchi Eldor Shomurodov o'zining yangi jamoasi "Jenoa"da raqam tanladi.

Hamyurtimiz genuyaliklar safida 61-raqamli futbolkada harakat qiladigan bo'ldi. Bu haqda futbolchining sobiq klubi "Rostov" Tvitter orqali xabar tarqatdi.

"Shomurodov "Jenoa"da o'ziga raqam tanladi va bunda bizni unutmadi. 61 — Rostov viloyati mintaqaviy kodi hisoblanadi. Eldor yangi klubida aynan ushbu raqam ostida o'ynaydi!" — deyiladi rostovliklar bayonotida.

Eslatib o'tamiz, 25 yoshli Shomurodov 7,5 million evro evaziga "Jenoa"ga o'tgan edi. U Genuya shahri jamoasi bilan 2024 yilning yoziga qadar mo'ljallangan shartnomaga imzo chekdi.