Rasmiy xabar: "Manchester Yunayted" uzoq kutilgan transferni e'lon qildi

«Portu» klubi himoyachisi Aleks Telles rasman «Manchester Yunayted» futbolchisiga aylandi.

«Qizil iblislar» rasmiy sayti braziliyalik futbolchi transferini e'lon qildi. Telles yangi jamoasi bilan «4+1» ko'rinishida shartnoma imzolashi kutilayotgandi.

Avvalroq, Portugaliya klubi braziliyalik 27 yoshli himoyachisi transferi uchun manchesterliklardan 20 million evro so'rayotgani va tomonlar kelishuvga yaqin ekanligi haqida xabar qilingandi.