Messi: "Yur, Suares, ketdik bu erdan!"

"Barcelona" hujumchisi Lionel Messi o'zining shaxsiy samolyotida Argentinaga uchib ketdi. Mundo Deportivo xabariga ko'ra, uning do'sti, sentyabr oyida "Atletiko"ga o'tgan urugvaylik hujumchi Luis Suares Lionel bilan birga borgan.

Ispan klublarida o'ynaydigan boshqa argentinalik futbolchilar ular bilan birga uchishdi: Lukas Okampos, Markos Akuna, Gvido Rodriges va Neuen. Buenos-Ayresga etib borgach, Suares Urugvay terma jamoasiga qo'shilish uchun Montevideoga boradi.

Argentina oktyabr oyida JCh-2022 saralash bosqichini Ekvador va Boliviyaga qarshi o'tkazadi. Urugvay Chili va Ekvadorga qarshi o'ynaydi.