Mourino MYu ustidan qozonilgan g'alabaga kinoyali munosabat bildirdi

"Tottenxem" bosh murabbiyi Joze Mourino APLning 4-tur uchrashuvida jamoasining "Manchester Yunayted" ustidan qozongan g'alabasiga (6:1) kinoyali munosabat bildirdi. Portugaliyalik mutaxassisni himoyaviy futbol o'ynashda ayblashlaridan xabaringiz bor.

«Endi «Tottenxem»da hujumkor murabbiy borligini tasavvur qiling. Himoyaviy futbol o'ynaydigan murabbiy bilan ular oltita gol urishdi. Hujumkor murabbiy bilan ular 10, 11, 12 talab gollar urishadi.

Biz "Yunayted"ning kuchsiz tomonlaridan ko'ra o'z kuchimizga, fazilatlarimizga va o'yin rejamizga ko'proq ishonardik, chunki raqibda bu borada kamchiliklar etarli edi", – dedi Mourino.