"Vulverxempton" Evropaning top-klublari qiziqish bildirgan futbolchi bilan shartnomani uzaytirdi

Angliyaning "Vulverxempton" klubi o'zining rasmiy sayti orqali Raul Ximenes bilan shartnoma uzaytirganligini rasman e'lon qildi.

Tomonlar 2024 yilgacha shartnoma imzoladi. 29 yoshli Ximenes "Vulverxempton" tarkibida 2018 yildan beri o'ynab kelmoqda va 103 ta uchrashuvda maydonga tushib, 46 ta gol kiritdi hamda 18 ta golga assistentlik qildi.

Ximenesga ushbu transfer bozorida "Real", "Barselona", "Yuventus", "Arsenal" va "Manchester Yunayted" klublari jiddiy qiziqish bildirishgandi.