"MYu" futbolchisi Rimga ketishga juda yaqin turibdi

Angliyaning «Manchester Yunayte» klubi markaziy himoyachisi Kris Smolling Rimning «Roma» klubini to'laqonli futbolchisiga aylanishiga yaqin turibdi.

Qayd etilishicha, «Roma»Smollingning transferi uchun 16 million evro to'lashga tayyor. Katta ehtimol bilan «qizil iblislar» rahbariyati ushbu taklifni qabul qiladi.

Eslatib o'tamiz, Smolling o'tgan mavsumni «Roma» tarkibida ijara asosida o'tkazgan. U A Seriyada 30 ta uchrashuvda maydonga tushib, 3ta gol kiritgan.