Mirjalol Qosimov: "Tezkor urilgan gol jamoamizga yordam berdi"

Superliganing 18-tur doirasida bo'lib o'tgan "Surxon" hamda AGMK jamoalari o'rtasidagi uchrashuvdan so'ng, mehmonlar bosh murabbiyi Mirjalol Qosimov o'z fikri bilan o'rtoqlashdi.

"Qiziqarli va shiddatli o'yin bo'ldi. "Surxon" jamoasiga qarshi o'yin oson o'tmasligini bilardik. Ularning musobaqa jadvalidagi egallab turgan o'rni ham har bir o'yinda ochko uchun kurashishga undamoqda. Shuningdek, jamoa tarkibida mahoratli futbolchilar jamlangan. Shu boisdan ham mazkur bahs qiyin bo'lishi aniq edi. Tezkor urilgan gol jamoamizga yordam berdi. Ikkinchi bo'limda jamoalar hujumkor va ochiq futbol namoyish etishdi. Termizdan muhim g'alaba bilan qaytayotganimizdan xursandman. Ushbu g'alabani jamoamiz muxlislariga bag'ishlaymiz".

Manba: AGMK matbuot xizmati