Kapello Rossiya klublarining EChLdagi imkoniyatlariga baho berdi

Rossiya terma jamoasi sobiq bosh murabbiyi Fabio Kapello Evropa Chempionlari Ligasida ishtirok etadigan Rossiya klublarining imkoniyatlariga baho berdi.

Eslatib o'tamiz, qur'a natijalariga ko'ra, Rossiya klublarining raqiblari quyidagicha ko'rinish olgan.

- "Krasnodar" - "Sevilya", "Chelsi", "Renn";

- "Zenit" - "Borussiya D", "Latsio", "Bryugge";

- "Lokomotiv" - "Bavariya", "Atletiko", "RB Zaltsburg".

"O'ylaymanki, "Krasnodar" uchun keyingi bosqichga yo'l olish juda qiyin bo'ladi. "Zenit" joy olgan guruh esa EChLning teng kuchli jamoalari joy olgan guruh sanaladi. Taxminimcha, "Zenit"ning vaziyati biroz yaxshiroq. "Lokomotiv" klubiga keladigan bo'lsak, bu erda "temiryo'lchilar"ga hech qanday imkoniyat yo'q. Juda ham kuchli guruh", - dedi Kapello.