Shomurodov uchun kurashga "A" Seriyaning yana ikki klubi qo'shildi

Eldor Shomurodovning "Jenoa"ga transferi amalga oshmasligi mumkin. Bu haqda metaratings.ru sayti xabar berdi. 

Manbaning ma'lum qilishicha, «Jenoa» sport direktori Daniele Fadjiano «Rostov» hujumchisi Eldor Shomurodovning transferini tasdiqlashiga qaramay, hamyurtimiz bu jamoaga o'tmasligi mumkin. Chunki A seriyaning yana 2 klubi "Verona" va "Fiorentina" Eldor Shomurodov uchun 10 million evrogacha "Rostov"ga taklif qilishga tayyor.

Shu bilan birga, "binafshalar" futbolchi uchun summani birdaniga to'liq holda, "Verona" va "Jenoa" esa faqat bo'lib to'lamoqchi. Bunday vaziyatda genuyaliklarning taklifi eng maqbul ko'rinishga ega emas, shuning uchun futbolchi "Jenoa"ga o'tmasligi mumkin.