«Lids» «Bavariya» futbolchisi bilan kelishuvga erishdi

Myunxenning «Bavariya» klubi yarim himoyachisi Mikael Kyuizans Angliyaning «Lids» klubi bilan shaxsiy shartnoma borasida kelishuvga erishdi.

Frantsiyalik futbolchi kam o'yin amaliyotiga ega bo'layotganligi uchun norozi bo'lib yuribdi. Shu sababli, u o'z jamoasini o'zgartirish niyatida. Kyuizans "Lids" klubi bilan 2025 yilgacha mo'ljallangan shartnomaga rozilik bildirgan. Yaqin soatlar ichida klublar o'zaro muzokaralarni boshlaydi.

Avvalroq, «Bavariya» Kyuizansni sotish niyatida emasligini ma'lum qilgandi. Biroq, futbolchi klub rahbariyatida o'zini qo'yib yuborishlarini so'radi.