Messi — La ligada ketma-ket 17 mavsumdan beri gol urayotgan 4-futbolchi

"Barselona" sardori Lionel Messi Ispaniya chempionatining 3-turidan o'rin olgan "Vilyarreal"ga qarshi bahsda (4:0) penaltidan gol urdi.

"Opta Sports" tarqatgan xabarga ko'ra, argentinalik futbolchi La liga doirasida ketma-ket 17 mavsumdan beri gol urayotgan 4-futbolchiga aylandi.

Bungacha mazkur natijani Agustin Gainsa ("Atletik", 19 mavsum), Karlos Alonso ("Real", 17) va Serxio Ramos ("Real", 17) qayd etishgan edi.

Eslatib o'tamiz, Messi "Barselona" tarbiyalanuvchisi hisoblanadi va bosh jamoa safida 2003 yildan buyon to'p tepib keladi.