Pirlo: "Bu orqaga qadam edi, biroq bizning ishimiz yakunlanmadi"

Turinning "Yuventus" klubi bosh murabbiyi Andrea Pirlo "A" Seriyaning 2-turidan o'rin olgan "Roma"ga qarshi o'yindan keyin matbuot anjumanida ishtirok etdi. 

"Bu natija bo'yicha orqaga qadam edi, biroq bizning ishimiz yakunlanmadi. Bizda g'oyalarni sinab ko'rish uchun o'rtoqlik uchrashuvlari o'tkazish imkoni bo'lmadi.

Biz hali ham ochko oldik. Maydonda Artur singari 6 oy o'ynamagan futbolchilarimiz bor edi. 

Har bir vaziyatdan maksimal darajada foydalanishni xohladik. "Roma" katta kuch bilan hujum qilishini bilgandik. Hammasi biz reja qilganimizdek bo'lmadi", -dedi Pirlo.