OChL. Chorak finalga chiqqan 4 jamoa ma'lum bo'ldi. Bugun qur'a

Osiyo chempionlar ligasi G'arb mintaqasida nimchorak final bosqichi o'yinlari yakuniga etdi. Quyidagi jamoalar chorak final yo'llanmasini qo'lga kiritishdi: "Al-Ahli" (Saudiya Arabistoni), "Paxtakor" (O'zbekiston), "Persepolis" (Eron), "An-Nassr" (Saudiya Arabistoni).

28 sentyabr, dushanba kuni chorak finalga qur'a tashlash marosimi bo'lib o'tadi. Tadbir Toshkent vaqti bilan 13:00da boshlanadi.

Qur'a "ko'r-ko'rona" tamoyili asosida o'tkaziladi. Ushbu bosqichda bir mamlakat vakillari o'zaro to'qnash kelishi mumkin.

G'arb mintaqasida chorak final bahslari 30 sentyabr kuni bo'lib o'tadi, yarim final uchrashuvi esa 3 oktyabr kuniga belgilangan.