Mourino: «FAni tanqid qilganim uchun jarima to'lashdan ko'ra, xayriyaga pul berishni afzal ko'raman»

"Tottenxem" bosh murabbiyi Joze Mourinyu APL doirasidagi "Nyukasl"ga qarshi kechgan (1:1) o'yindan keyin quyidagi fikrlarni bildirib o'tdi. 

"Men penalti bo'lgan vaziyatga baho berishni istamayman. FAni tanqid qilganim uchun jarima to'lashdan ko'ra, xayriyaga pul berishni afzal ko'raman.

Darlou o'yining eng yaxshi futbolchisi, agar sizlar sovrinni futbolchi bo'lmagan boshqa insonga berishni istamasangiz. Darlou ko'plab seyvlar amalga oshirib, jamoasini qutqardi. 

Son Hyom Min? U son suyagidan jarohat oldi va bir qancha muddatga safdan chiqdi. Ko'ramiz, u keyingi o'yinga tushadimi", - dedi murabbiy.