Dragan Cheran: «Bu muvaffaqiyat nafaqat klubimiz, balki O'zbekiston futboli uchun ham ijobiy natija»

"Paxtakor" - "Istiqlol" o'yinidan keyin matbuot anjumanida bellashuvning eng yaxshi futbolchisi Dragan Cheran savollarga javob qaytardi.

"Murabbiyning so'zlariga qo'shilaman. G'alabadan xursandmiz va qoniqdik. Biz uch yildan beri birga ishlayapmiz, mehnat qilib kelyapmiz. Yangi tarixni yaratyapmiz. Bu muvaffaqiyat nafaqat klubimiz, balki O'zbekiston futboli uchun ham ijobiy natija. O'yinga kelsak, biz to'liq tashabbusga ega bo'ldik. Hisobda ortda borayotib g'alaba qozondik. Jamoaviy xarakter, birdamlikni ta'kidlab o'tgan bo'lardim. Muhim bahsda yutdik va bundan baxtiyormiz.

Men va Eren bugun gol urishga erishdik. Bu erda hali to'p kiritmagandim. Bu bizning ishimiz, bizga ishonch bag'ishlaydi. Lekin bu musobaqa va unda kim gol urishining farqi yo'q. Jamoaning g'alabasi eng muhimi. Bugun gol urganimdan xursandman. Eren bilan birga to'p kiritdik, bu jamoa uchun yaxshi natija olib keldi", — dedi Cheran.

Manba: pakhtakor.uz