Sulsher: "Ehtimol, bir ochkodan ko'piga loyiq emasdik"

Angliyaning "Manchester Yunayted" klubi bosh murabbiyi Ole Gunnar Sulsher APLning 3-tur doirasida "Brayton" (3:2) klubi ustidan qiyinchilik bilan erishilgan g'alaba haqidagi fikrlari bilan o'rtoqlashdi.

"Ehtimol, biz bir ochkoga loyiq edik va undan ko'piga haqli bo'lmagandirmiz. Lekin, irodamiz ko'p narsalarga loyiq. O'tgan mavsumda juda ko'plab duranglarga erishgandik, shuning uchun, bugun jamoamizga katta plyus bo'ldi. "Brayton"ga qarshi juda qiyin. Biz juda kam vaziyatlarga ega bo'ldik va aynan shu kamchiliklarimiz ustida ishlashimiz kerak", - Sulsherning so'zlaridan iqtibos keltirmoqda VVS.