«Brayton» darvoza to'sin va ustunlarini nishonga olish bo'yicha APL rekordini o'rnatdi

Angliya premer-ligasining 3-turidan o'rin olgan «Brayton» va «Manchester Yunayted» jamoalari o'rtasidagi o'yinda mankunianliklar 3:2 hisobida g'alaba qozonishdi.

Mazkur o'yinda «Brayton» o'yinchilariga omad etishmadi: ular «Yunayted» darvozasi to'sin va ustunlarini 5 marta nishonga olishdi. Ularning birortasi golga aylanmadi.

"Opta" tarqatgan xabarga ko'ra, statistika yuritila boshlagan 2003/2004 yilgi mavsumdan boshlab hisoblaganda, bu rekordi hisoblanadi.

E'tiborli tomoni, Leandro Trossardning zarbalaridan keyin to'p 3 marta «Manchester» darvozasi ustunlariga tegdi. Bu orqali belgiyalik futbolchi Krishtianu Ronalduning 2006 yilda «Nyukasl»ga qarshi o'yindagi rekordini takrorladi.